الفيلم بجد يستاهل ان الواحد يتكلم عنه وعن الابداع اللي حصل فيه ........... حقيقي الفيلم ده ابداع من كل النواحي سواء من الكاتب العبقري والمخرج الأكثر من رائع او ابداع من حبيب الملايين سقوقتي او من معشوقتنا مني ذكي

الفيلم اكتر من رائع وانا شايفة من وجهة نظري المتواضعة انه اول فيلم للسقا بدون اخطاء واحلي ما في الفيلم الرومانسية الحقيقية انا اتفرجت علي الفيلم انا وخطيبي وما حصلش انى اتكسفت من اي لقطات في الفيلم بالرغم من كمية الرومانسية اللى فيه لكن حب لا يخدش الحياء حب بجد كتير من الناس مش عارفاه دلوقتي وده حصل بسبب الأفلام اياها اللي مش بيراعوا لا اخلاق ولا عادات ولا دين وطول مافي السينما ناس واعية وفاهمة يعني ايه فن ذى بطل وصناع فيلم تيمور وشفيقة اكيد افكارنا حاتتغير وحانفتكر حب زمان .. حب الأبيض والأسود